සිරිමත් බඹ සිරසෙහි පා පිසිනා
සැරියුත් මහ මුගලන් පිළිවෙළිනා
පිළිවෙත් සරු මහ සඟගණ සොබනා
මුදුනත් බැඳ නමදිම් බැති පෙමිනා

මහා බ්‍රහ්මයන් විසින් සිය හිසින් වඳිනු ලැබූ
(මහා බ්‍රහ්මයාගේ හිසේ දෙපා පිසීම ද කළ
හැකි) සැරියුත් මුගලන් යන දෑගසව් මහ
රහතුන් වහන්සේලා ගේ පරම්පරාවෙන්
නොකඩවා පැවත එන්නා වූ, හොඳ හැටි
සිල් රැකීමෙන් සාර වූ, උත්තම මහා
සංඝයා වහන්සේ ද මම දෙඅත් හිසේ
තබා භක්ති ප්‍රේමයෙන් වඳිමි.