මසකට වරක් ගිය සව් දෙස් සවාරියේ
කවි මිණි එකතුකර පුද දෙන නිමේෂයේ
සුභ හෝරාව අද දින එළැඹීලා තියේ
දොරට වඩිනු ලන්ඩන් කවි කුමාරියේ

මෙතුවක් සිතේ පොදි බැඳි කල්පනාවන්
කවි පද වෙලා නංවා මද සිනාවන්
කාටත් වසන්වී තිබුනත් මනාවන්
ඔබමැයි විවර කෙරුවේ කඩතුරාවන්

මසිතට නැඟුණු රස සිතුවිලි කවි කළෙමි
හෑගොඩ මැතිඳුගෙන් ගුරුහරුකම් ලදිමි
මා දිනු දිවිය තුල නව අරුතක් ලදිමි
ලන්ඩන් කවි තුලින් මම යලි ඉපැදුනෙමි

නවකද ප්‍රවීණද වෙනසක් නොදැනෙන්න
කාටත් සම සමව ඉදිරියටම යන්න
අපමණ සෙනෙහසින් කාටත් අත දුන්න
කවි ලොව මිණි පහන ලන්ඩන් කවි ගොන්න

ඉමිහිරි කවි සුවඳ ලොව තුල පතුරන්න
කවි මුතු එකට අමුනා සිත් සරසන්න
කවි ලොව එළිය කරමින් නිති බබලන්න
සුභ සිරි පතමි තව ඉදිරියටම යන්න !

ආවඩා ආයුබෝවේවා !!