ඉමිහිරි රසට ස්වර අමුණා කන් පිනන
හදවත බසට පණ දුන්නා දිවි නිවන
නොමියෙන හඬින් ගී කෙත සරු කර දිලුන
නඳසිරි මැතිඳු වැපිරූ යුගයක නඳන

රඟහල ටෙලියෙ සිනමාවෙ ද ගුවන් තල
මුදහළ මියැසි පිළිරැව් දෙයි සවන් තල
විදහළ සුරුව ඔහු නෙක නද රටා තල
සිඳහළ සුසුම මුසු වී අද පවන් තල

බෝ මළුවක දි මල් සුවඳක පැටලිගෙන
ගී දැහැනකට ඔහු පෙව් සම වැදීගෙන
සෝ තිමිරය ද සින්දෙමු සුව පුරාගෙන
කෝ අද එරන් පණනල ඇත සොරාගෙන

කේ .පී.එස් සචින්ත්‍රා ,
හෝමාගම ,
ඉතිහාසය හා පුරාවිද්‍යා අධ්‍යයනාංශය ,
රුහුණ විශ්වවිද්‍යාලය .