පෙරලි පෙරලි ඵයි
හැපි හැපී ගල් බොරළු අතරේ
දිය කඩිති උතුරා පිරෙයි
ගලා යයි මේ ජීවිතේ

නැගෙන පෙන පිඩු විසිරිලා යයි
මොහොතකින්
ගලයි පහලට නැගෙන බාධා
තුරුලු කරගෙන
වැටෙන මල් පෙති සුණු විසුණු වී
සැඟවිලා යයි
සුන්දරත්වය පෙනෙන්නේ
මතුපිටට පමණයි.

අහස ගුගුරා බොර දියක් ආවා
වැසී යනවා කටු පඳුරු රලු කොල පිරී
මැකී යනවා ලලිත ගමනේ
සොඳුරු බව
යලිත් නිල් දිය ගලා එනතුරු
බලා සිටිනෙමි දෙනෙත් විවරව
පහස ලබන්නට.