ලන්ඩනයේ සිට මුදා හැරෙන ශ්‍රී ලාංකේය කවි සරණිය

දිය පාර

දිය පාර

උපාලි අත්තනායක - මහනුවර
2022-October

පෙරලි පෙරලි ඵයි
හැපි හැපී ගල් බොරළු අතරේ
දිය කඩිති උතුරා පිරෙයි
ගලා යයි මේ ජීවිතේ

නැගෙන පෙන පිඩු විසිරිලා යයි
මොහොතකින්
ගලයි පහලට නැගෙන බාධා
තුරුලු කරගෙන
වැටෙන මල් පෙති සුණු විසුණු වී
සැඟවිලා යයි
සුන්දරත්වය පෙනෙන්නේ
මතුපිටට පමණයි.

අහස ගුගුරා බොර දියක් ආවා
වැසී යනවා කටු පඳුරු රලු කොල පිරී
මැකී යනවා ලලිත ගමනේ
සොඳුරු බව
යලිත් නිල් දිය ගලා එනතුරු
බලා සිටිනෙමි දෙනෙත් විවරව
පහස ලබන්නට.