හිඟ වැටුප් අයැදිමින් - හිරු රැසින් පිලිස්සිමින්
කුස ගින්නේ දැවෙමින් - යටිපතුල් රිදවමින්
බැනර් පෝස්ටර් ඔසවාගෙන - ඇවිද එන පිරිස අතරේ
දුටිමි ගුරු මවුපියන් - වියැකුනු මුහුණු ඇති

අකුරු කියා දී - යහමග පෙන්වා - අපේ දෑස පෑදූ
ඔවුනගේ දෑසින් කඳුළු වගුරුවන්නට
කඳුළු උණ්ඩ ඔවුන් වෙත එල්ල කරන්නට
අණක් ඇසුනත් දෙසවනට
කෙසේනම් ඒ අණ පිලිපදින්නද?
හොරුන්ට රජවෙන්නට ඉඩදී - ඉදිමුද තවත් කාලයක් දුක් දිදී


30 ඔක්තෝබර් 2023