ජාතිය ආගම දේශය ගැන ගී ගැයූ ඔබ
ගීත ලෝකයේ හෙළ අග රැජින වූ ඔබ
දශක ගණනක් අපේ දෙසවන් පිනවු ඔබ
අභිමානයෙන් ගෞරවයෙන් තුති මල් පුදමි ඔබ

සය අවුරුදු වියේදී ළමා ගී ගයා
ඇරඹුවා ඔබේ දිවිය ගී මග සොයා
කොටහේන ගුණානන්ද විදුහලෙන් මෙයා
ගුවන් විදුලියේ ළමා මණ්ඩපයට ගියා

සරණාමර ගුරු ලෝක ශිවංකර බුද්ධ දිවාකරයාණෝ
ගීතය ගැයීමට අත දුන් ගුරු අමරදේවයාණෝ
තවමත් ඔබ සිහි කරයි ඒ ගුරු පියාණෝ
ලදිමි පලවෙනි සිහල චිත්‍රපට සම්මාන යාණෝ

උඩඟුලියන් ගොතා බඳින නීල වරල සරසන්නට
උඩඟු සමාජය අසිරිමත් ලෙස විග්‍රහ කරන්නට
රසවත් ලෙසින් මිහිරි හඬින් දෙසවන් පිනන්නට
හැකි වුණා ඔබ හට ගී ලොව රැජින වන්නට

මැතිණියනි ඔබ ලැබූ ජනපති සම්මාන
දස්කම් විස්කම් විශාරද සම්මාන
මෙතකැයි කිව නොහැක සරසවි සම්මාන
ඔබ ලැබූ නිරහංකාර ජනතා සම්මාන

නිම කළ නොහැක ඔබගේ ගී මිහිර
එතෙර මෙතෙර දෙසවන් පිනවූ රුසිර
කවි සටහනක් කලබලයෙන් තැබූ අතර
දීඝායු පතමි ගී කෝකිලාවිය අමර

ලන්ඩන්හි ධම්මදරා මෙහෙණින් වහන්සේ