කටුනායක කඳුළු විලේ
නෙළුම් නෙළූ නැගණී
නෙළුම් මාල ගෙලේ බැඳන්
තුටින් සිනා නොවුණී
නෙළූ නෙළුම් මඩිස්සලේ
කහවණු වී දිලුණී
තණමල්විල වැව් මිදුලේ
ගඩොල් ගෙයක් මැවුණී

අප්පච්චිගෙ ඇඳ වියලේ
සැනසිලි සඳ ඇලුණී
අම්මාගේ චීත්තවල
නැවුම් කුසුම් පිපුණී
සෙරෙප්පුවල හිල් පතුලේ
හැංගුණ නෙත් කෙවෙණී
සපත්තු හිස ලා රජ වී
ඉස්කෝලේට ඇදුණී

නළපාන නළුව අජානේය
අසරුවෙකුව පැමිණී
ඇතෙක් බරට නෙළුම් නෙළා
දෙම් රැවටී සකුණී
උදෑසනින් විල් කොපුලේ
කාක නාද ඇසුණී
රාජාලි ළඳක සෝකී
නැළවිලි ගී මුමුණමිනී