තබන්නට ඇගිලි තුඩු විණාවේ තත් මතට
මුල ඉදන් පිළිවෙලට ඉගැන්නු ගුත්තිලට
අභියෝග කරන්නට උරදෙමින් මුසිලට
එදත් හිටියාලු නෙක මිතුරු කැළ ඔහු අවට

පලා සම සිදුරු කළ පියාගේ පතුල යට
වේදනා දෙවන්නට ඔබා එහි ලවණ කැට
දිරි දෙමින් ආවඩා අජාසත් කුමරු හට
එදත් හිටියාලු නෙක මිතුරු කැල ඔහු අවට

බොජුන් මේසය පුරා තිබූනු ඒ අහර ළග
විෂ පෙවූ නෙක බදුන් තබන්නට සීරුවට
සාමයට එරෙහි වී නොයෙක් ලෙස උදව්කළ
එදත් හිටියාලු නෙක මිතුරු කැල ඒ අවට

චරිත තුල ඔබා නම් වෙනස් වූවාට
කාලයේ වැලිතලා සිය ගණන් ගෙවුනාට
අදත් ඒ විලසමයි ලොව වෙනස් වූවාට
නොයෙක් මිතුරන් සිටී මුව සිනා මැව්වාට


ශ්‍රීයානි උඩගoගොඩ

2024/12/11