වැඩමවනා දවස කඨිණය අපෙ විහාරෙට
ගම්මානයම යායක් වේ බුදු සුවඳම පැතිර
ගොඩ මඩ දෙකෙන් උපයා සපයා ගත් දෙයම
පූජා කරන්නට එන පෙරහැර හෙළ ගැමි කමය

රැය පුරා ගම වටා සරණා පෙරහැරට
තේ පැන් පිරිනමා දායක වන අය එමට
අප දුටු අපේ දිවියේ රසතැන් සුමට
යළි නැහැ ලබන්නට අප කරලා පින් මෙවක

කොස් කොළ නැට්ට පෙණෙනා තත්පරයේදී
සීමා මාලකය වෙත පෙරහැර ළංවන්නේ
බණ භාවනාවෙන් වස් තුන්මස ගත කෙරුණේ
සිල්වත් උගත් මහ තෙරණුන් වැඩ සිටියේ