පන්සලට පල්ලියට එක විලකි මල් දැරුව
එම විලට දැල් දමා මාළු රංචුව මැරුව
කුසල අකුසල දෙකම එක විලේ නිරතුරුව
හරියටම අපි වගේ පවු සමඟ පිං කෙරුව

දස පනත පංච සිල් එකම හුස්මට කියන
දහම් පාසල් අසල තරඟයට බණ අහන
එහෙව් නුවණත් ඇතත් දැන දැනම පව් කරන
අපිත් ගිනි පන්දමකි දෙපස එකවර දැවෙන

මොන තරම් පින් කළත් සියළු වෙර වීරියෙන්
තවමනම් හොඳක් නෑ ලැබී දුන් දානයෙන්
එහෙත් අපි හෙට දවස ගැන හිතමු ප්‍රීතියෙන්
පිං ගිණුම තර කරමු දෙලොවටම ප්‍රේමයෙන්