බෝතල් අඩි උපැස්
පැලදි ඇයගේ දකුනු
පය වම් කකුල මෙන්
තෙගුණයක් තරම් විය

තෝරන විටදි පිල්
කෙලිබිමේ අන්තිමට
ඉතුරුවී වැට අසල
අපි දෙදෙනා උනිමු

'ඕගොල්ලො ඈ ගන්න'
'නෑ ඔබලා ගන්න'
මෙවන් වූ සංවාද
නොනෑසෙන විලස අපි

නොබලා උනුන් මුව
බිමට නෙත් යොමා හෝ
කුරුල්ලකු පියාබනු
බලනු මෙන් හැසිරුනෙමු

වඩා අඩුවෙන් දුබල
මා යැයි සිතු බැවින්
ඇයට පෙර මම නිතර
තෝරා ගනු ලදිමි

ඉතුරු වූ ඇය අනෙක්
පිලේ පසුපසට පය
අද්ද අද්දා ඇදෙනු
නැගේ මා මතකයට

එකොලොස් වියේ දී
වෙනත් පාසැල් වලට
අප වෙන්ව ගිය පසුව
වැඩි කල් නොගොස් මට

පෙර අපට සිනාසුනු
අකුරු බැරි ක්‍රීඩිකා
වන්ට හිනැහෙන්ට වුව
හැකිවීය ටිකෙන් ටික

දොලොස් වන වියේ ඈ
මැරුනු බව දැනගතිමි