හිරිවැටී දෙකන් පිපිරුම් හඬ ඇසී බියෙන් තැතිගත්
මහද යුද බිමේ පිපි රතු රෝස මල අරන්
නුඹ එදා ගියා යාපාපටුන ජය අරන්
ගිනි නිවී ගියත් යුද බිම ඇවිලෙනා මහද දෙවොලට
ගෙන සිසිල යළිත් එනු මැන ආදරෙත් අරන්
මම හිඳිමි මග බලන් ...

අවිදරා මගෙත් සොයුරන් තල් අරණ අරා යුද වැද
නැගුණු දුම්කඳේ සැංගී හමුවෙලා දෙනෙත්
ගොළුවදන් වලින් නොදැනීම පෙම්කළා අපිත්
ඒ වදන් සිංහලද දෙමළද දන්නෙ නෑ මමත්

කෝවිලේ පුදා දෙවියන් දල්වලා පහන් බුදුගෙයි
නෑසියෝ හිඳිති නුඹ පිළිගන්න දී දොහොත්
තාම්බුලම් තට්ටු අරන් එනවදෝ නුඹත්
පාළමට උඩින් අලිමංකඩ පායලා හඳත්