ලියා තබනට අකුරු අවසර
අපගෙ පඬිවර රජානෝ
දුවා දරුවන් සැමට යහගුන
ඔවා දුන් අපෙ පියාණෛා්
දෙසා පඬිවර වදන් හැමවිට
හෙළ බසේ ඇදුරුවාණෝ
කියා කුමටද එවන් තේජස
හෙලයෙ කේසර රජාණෝ

ඟුරු ගෙදරින් සිනමාවට
අත්පොත් තබමින්න
ගිණි අවි සහ ගිණි කෙලියෙන්
වැඩ පෙන්නුව දන්න
භව දුක සහ භවකතර ද
දැහැමින් රඟ දුන්න
සිත් හඩවා රඟපැවා
ධර්ම යුද්දෙ ගින්න

නැටුම් ගැයුම් රංගනයෙන්
එකලෙස හැම දන්න
මෙවන් පුතෙක් සිරිලකෙහිම
ඇත්දැයි පවසන්න
සංස්කෘතිය ධර්මය ගැන
සැමතැන පතුරන්න
ලෝකෙ වටෙි සැරිසැරුවා
දැනුමින් ඔප වෙන්න

මගේ හුස්ම පොදත් අරන්
නුඹ ජිවත් වෙන්න
ලක්මැණිට ඔවැනි පුතෙක්
තව නැහැ ඉපදෙන්න
ඇස් පියාන තවත් ඉන්නෙ
බැහැ මට ඉවසන්න
ජැක්සන් මගෙ සිංහ රජෝ දැන්වත් නැගිටින්න