කඳුළු බිංදු සළා සිතේ දැවෙන ගින්න නිසා

බඳුන පුරවලා කුමටද වතේ ඇඳේ වළා

බිඳුන පිරුන සතුටු ගඟුල ගලයි සිරුර පුරා

රැඳුන පැතුම් මුදා හරිමු සුචිත්තයෙන් පිනා

දෝත පුරා පිරී ගියත් රනින් තැනුන පියුම්

වීත රාග පිනා ගියත් කැලති කැලති දසුන්

ඈත ඈත ඉඳන් ඇවිත් ඈත නැවත බලන්

ස්වේත වලා පාවී යති නුඹේ හිසට උඩින්

වියළි පුළුන් කැටිය ලෙසට දිවි කතරම ගෙවන්

ගසක සැළෙන පත් අතරේ සිසිලෙ ගිමන් හරින්

සුළඟෙ වැටෙන සුබොජුන් මත කුසේ ගින්න නිවන්

පිරුණු සිතක සැහැල්ලුවෙන් ඈතට ඉගිලියන්

හීන පේන රෑ නින්දේ කටු ඇනේවි ඇසේ

රෑන ගිරා ගීත අසා සනසාපන් විසේ

මාන පිරුන රන් තලියම පුරවා සිත් දොසේ

හීන නොපෙනෙනා මනු සිත ගඟුලකි නිදහසේ