අරගලය රජු සහ රැජින
2022-October
කවුරුත් එකයි හොඳ වෙනසක් කරමු කියා
නටලා කස්තිරම් සුපුරුදු තාල වයා
රට හා උරණ කංඩායම් එකට තියා
හුළු අතු අරන් තැන තැන ගිනි තියා ගියා
අරගලයෙන් නව රජු ආ දිනේ සිට
කෙඳිරිලි හඬක් වත් නෑ ඒ කැක්කුමට
බළලුන් වගේ කීකරු වී ඉන්න විට
කලබල කළේ මුදලට දැයි සිතේ මට
ලන්ඩන් රැජින මළ ආරංචිය මැද්දේ
ලංකා මුහුණු පොත උණු කඳුළැලි විද්දේ
තම රට අවුළු වන්නට දර දිය ඇද්දේ
උන්ටයි වැඩි ම දුක රැජිනක යන සද්දේ
අටසිය පහලොවයි නවසිය හැත්තැ එක
අතරේ සටන් විය රැජිනව හෙළා දැක
එතුවක් පටන් වුන කලබල සියල්ලක
රැජිනයි රටයි කොයි පැත්තෙ ද බලව් දැක