මිණි ගංදෑලේ……
2022-July
යුග යුග රැදි රහස් කියන මිණි ගංදෑලේ
සදුට මුවාවී ඉන්නා හෙවනැලි අතරේ
හීතල මීදුම් රැල්ලේ හමනා සුළගේ
ඇහුවද ඔබෙ කතන්දරේ කවුරුත් රාලේ
සෙහෙහෙ පිරුණු හිත් මල් වල සුවද හැංගුවේ
කවුරුද ඒ කදුළු ගගේ දුර දිග මැන්නේ
පාට පිරුණු ඉර මල ඇයි තාම පමාවේ
අළුත් ලොවක් එළිය කරන් ඇයිද නොආවේ
කාසි පනම්, මිණි කැට තුල රැදුණු සංතොසේ
කොච්චර කෙටි කාලයක්ද මිහිර ගෙනාවේ
සතුට දෝරේ ගලා හැළුණු පුංචි කුඩුවේ
හොදහිත ඇයි පෑල දොරින් පිටවෙලා ගියේ