මිසයිල ෂෙල් වෙඩි අහසින් පතිත වු න
තවත් රටක් දෙදරයි මිනිසුන් වස න
රැකුම පිණිස මව්බිම දුම් රොටු නැගෙ න
පියා රැඳෙයි පවුලෙන් වෙන්වී සොවි න

පුලුවන් තරම් බර අරගෙන යන්න හැ කී
නික්මෙනු මිසක ඇත්තේ එක විකල්පෙ කී
නැවතත් හමු වේදැයි සිත ගිනි ගොඩ කී
අතීතයද ජීවිතයෙන් යන්නෙ මැ කී

වසන්තයක් එළඹෙන විට අවුරුද් දේ
පිපෙනා මල් නසයි බෝම්බ වෙඩි සද් දේ
පවුල් දෙකඩ වෙයි මායිම් ඉර මැද් දේ
රටවල් අතර ඇයි මේ තරමට යුද් දේ

ව්‍යසනයකින් බැට දීලත් මේ ලඟ දී
සොබා දහම දුන් දඬුවම් නැත පැහැ දී
මිනිසා මිනිසාට කරනා මෙවන් හ දී
දුටු විට සිතේ කොරෝනාව කළා ම දී

14/03/2022