පිනෙන් උපන් පොපී කුසුම්
රුවින් දිලී උයන් තෙරේ
නුවන් අගින් බැලුම් හෙළා
සුළං රැළී මතින් රඟත්

වතත් නෙතත් කයත් දවා
සෙනේ සිතින් කවා පොවා
පොපී හැදූ වැඩූ තවන්
බලා සිටී සිනා කටින්

වලාකුළින් සෙනේ කඩා
හදින් බදා පෙමින් වඩා
මහත් කළේ කෙසේ කියා
ඉඟී කරත් වැදූ මවුන්

අකල් වැසී මගින් නොයා
කුණාටු ලැවි ගිනී නිවා
උයන් ගොපල් තෙමේ සදා
විසෙන් දොසෙන් කළේ මුවා

සුපෙම් හැඟුම් තුරුල් කරන්
වැලන්ටයින් දිනේ ඉතින්
අපේ ලොවේ පෙමේ විදා
තුටින් දකිම් පොපී කුසුම්

(අනුෂ්ටුප් ඡන්දසට අයත් ප්‍රමාණිකා විරිත)