එදා නොවාවා නම්
අලුත් සිසුවියක ලෙස
අලුත් විදු පියසකට
කිසිදා මට ඔබව
මුණ නොගැසෙනු ඇත
එහෙම වුනානම්
අද නැහැනෙ මෙතරම්
දුකක් මගෙ හිතට

මිතුරන් විලසට
ඔබ සමඟ ගත කල කාලය
කොතරම් සොඳුරුද
ඇති වුනත් සෙනෙහසක්
ඔබ ගැන මගෙ සිත තුල
අහිමි වෙයි යැයි සිතු නිසා මිතුදම
හිත තුල සගවාගෙන ඒ ආදරය
යහළුවෝ ලෙසටම සමුගත්තා
සොඳුරු පාසල් දිවියෙන්

බොහෝ කාලයක් ගතවෙලා
දිනක් හමුවුනා මට ඔබව
දැන ගත්තා මං වගේම
ඔබත් මට ආදරය කල බව
එහෙත් ළංවෙන්නට බැහැ
කිසිම දවසක අපට
දෛවය ඈත් කරලා අපව
ආයේ ළංවිය නොහැකි ලෙසටම

2021/01/09