අසනීපෙ
2022-January
වෙනද ලෙඩකට ගෙදර හිටියට
සහලෝල උණ මෙදා හැදුණම
වාට්ටුවෙ නවතින්ට ආවේ
ගෙදර ඉන්ටම බැරිම බැරි තැන
ඔළුව කැක්කුම තවම අඩු නැත
බෙහෙත් ලැබුණට නියම විදිහට
වැතිරිලා මං ඇඳේ හිටියේ
ගෙදර කුස්සිය ගැනම හිත හිත
හේනෙ වැල් ටික මැළවෙලා ඇති
වැඩ කරන්නට ළමයි ලොකු මදි
වෙනද උන් මං එක්ක යන්නේ
ගෙදර තියලා යන්ට බැරුවට
නංගි මල්ලී දඟයො දෙන්නම
බලන් ඇති ලොකු ළමය තනියම
තාත්තා උන් දාලා මැරුණේ
උන්ගෙමත් නොව මගේ අපලෙට
සැනසිල්ලේ ඇති ගිහින් පරලොව
එන්ට ආසයි මුණ ගැහෙන්නට
දරු පැටව් ටික තනි කරන්නේ
කොහොම කියලා කියා දෙනවද