ලන්ඩනයේ සිට මුදා හැරෙන ශ්‍රී ලාංකේය කවි සරණිය

ගිලෙන නැවක මීයන්

ගිලෙන නැවක මීයන්

ආරි ලියනගේ - ඉතාලිය
2021-December

උඳුවප් සිසිල් දැන්නම් ඉදහිට දැනෙනා
දෙදහස් විසිඑකේ අවසන ලඟ පෙනෙනා
දින සති මාස එකිනෙක ආපසු බලනා
ලක් මෑණිගේ කඳුලින් සයුරම පිරෙනා

කෑලි කෑලි රට විකුණනයි ජනට හොරා
බේගල් බෙදයි උන් දවසින් දවස පුරා
කසාවතත් මසුරන් යට සසුන පුරා
තිස්තුන් කෝටියක් දෙවියන් ගියේ හැරා

ගිලෙන නැවක මීයන් පැන යන සේම
තරුණ පිරිස් රට හැර යන්නේ බෝම
මෝඩ වහලු ඉතිරිව හිඳිනෙද මේම
පාලකයෝ ගසයි දැන් හොඳටම ගේම

වර්ජනය උපවාස මර්ධන දැඩි කෘර
ගොවියන් දෙස් දෙවොල් හොයමින් නැති පෝර
සෞභාග්‍යයත් දහවල් සිහිනෙකි මාර
අහෝ ඛේදයකි පැන කටකට මෝර