කියනු කෙලෙසද හැඟුම් ගලපා
කවි ලියන්නේ නුඹ නිසා බව
හදේ ගැඹුරුම තැනක නලියන
දුකක් ඇත නුඹ නමට හිරවුන

මේ ලොවින් මා සමුගන්න දා
නිමේෂයකට ඇවිත් ඉනු මැන
පියවුනත් මගෙ දෑස් ඒ දින
බලාපන් මගෙ පපුව ගොළු උන

නුඹට කවදාවත් නොතේරුන
රහස කියවා යන්න සමුගෙන

බලන් මගෙ චිතකයේ ඇවිලෙන
ගින්න පරදියි පෙමට පරවුන
මාත් ඔහුගේ නුඹත් ඇයගේ
නිසා ලෝකෙට වසා සැඟවුන

පෙම් කතාවක කඳුළු දැකපන්
හිතින් දවසක ඇස් වසාගෙන

නුඹ මගේ වග ලොවට කියලා
උදම් වනු බැරි තැනක ලතැවුන
දුක දැනුනොතින් කවක් ලියපන්