හීතල කොත්මලා නිම්නෙක
සංසාර හෙල්මලු ලියැදි කප කප
ඔටුනු හංගපු උනුත් හිටියා
දර දිය ඇදන් ප්‍රේමෙට
අම්ම අප්පෙක් නොවුණු ගාණට

වාජීකරණ ඔසු රහස්
පත අට එකට සිඳ කවියක
තිරිහන් වෙච්චි ඈයොත්
දෙනිපිටියෙ නුගේ යට ඕසෙට ,
උන්ට හැටකුත් නැතිලු එතකොට

පැණි වළඳන්න හිතාගෙන
දඬුවැල් මී ම ඉව කළ
කීව නාහන බමරු නැග්ගලු
එක්ටැම් ගෙවල් මුර කළ

රටක් වටකර බැන්දට
හිත බඳිනු කොයි වැටකින
ලප තියෙන තැන් පෙන්නුව
ඇත්තම කිව්ව උන්ටත්
යන්න උනි නම් දඟගෙට..

අනේ අම්මේ,

ඉතිහාස පොතේ මෙච්චර
තියෙද්දිත් කයි කතන්දර
හිත හදාගෙන රෙද්දක
පැල්ලම් හොයනු බෑ මට

යන්නෙ නම් නෑ සිවුරට
පාළු වෙද්දෙන් හතර කොටුවම..

2021.09.14