සුනිල් ලීලානන්ද පෙරේරා රත්නපුර

2025 අගෝස්තු කලාපය

හාල් නොගරණ ආච්චි

අල්ලක ඉඩක යන්තම් අටවා තිබෙන
වහලක දිරූ, හිරු සදු ගෙතුලට එබෙන
මැදුරක නොදුටු සිරිකත දිව රෑ සරණ
බැල්ලක දුටිමි ගෙපැලේ අගුවේ ලගින

එක පොල් ගසකි, බත් ගස, මුල සිට ගෙඩිය
සැක බිය නොමැති හන්දා වැට කොටු තොරය
සක රිය ලකුනු දෑසට නොපෙනෙන දුරය
වක කොදු නැමූ ඈ දිවමන් සිරි කතය

අපායට බියක් සිත් තුල නැති හන්දා
උපායට වෙහෙර වට රෙදි නොම බැන්දා
පලාතට ගමට නොකරන නව නින්දා
දවාලට මිසක රෑ කෑවද මන්දා

බත් පත අනා කොටහක් අගු පිලට හලයි
බණ නොම දනී බලු නගුටෙත් නිතර වැනෙයි
අන නොම කරයි ඇය ලග බැල්ලටත් සුවයි
සැනසුම සිත පුරා මිත්තනි යසට නිදයි

දර ඇහිදලයි ලිප ගින්දර අවුලන්නේ
දුර ගන අඳුර ගින්නයි තනියට ඉන්නේ
බර නෑ මැටි කලේ ලිදමයි දන් දෙන්නේ
කරදර තමයි හරබරවී ඉප දෙන්නේ

හැඹිලිය ඉඟ තුරේ නොව, තැන් තැන් වලය
කසාදය කුරුටු ගා දැන් හැට වසය
තුවාලය සුවයි කැලලක් නොම දිටිය
ද්වාරය නිවන අත් හල විට ලගය
View Poem