මන්දාරම් වැහි වළාව මුලු අහසම වටලනවා
ඇස් මානෙන් අකුණු කොටා එළි පිට එළි විහිදෙනවා
දෝංකාර දෙන සද්දෙට කනේ අගුලු හිරවෙනවා
ඩෝං කියා පුපුරාවිද බයටම අපි ගෙට වෙනවා

උදෙන්ම ගිය අප්පච්චී තවමත් නහැනේ පෙනෙන්න
මහ වැස්සක් ඇද හැළුනොත් ඇත්තේ වක්කඩ කපන්න
ඉහ උස්සන පොඩි පැළපත ගොබත් ඵක්ක ගයි තැළෙන්න
අම්මා කිය කිය දොර ළඟ පරක්කු වෙයි අද උයන්න

පාඩම් පොත පෙරළන්නේ අම්මගෙ ඇති කරදරේට
පුංචි අපේ හිත යන්නේ අප්පච්චිගෙ හුරතලේට
ඇස් ටික ටික පියවෙන්නේ බඩගින්නෙම නිදිමතේට
වැස්ස අනේ බැරිද එන්න දවාලකින් හෙට දිහාට

Photo Credit; Max LaRochelle