උදේ ගෙදරින් දුවන් ආවේ
ගිහින් එන්නම් මැණිකෙ කියලා
පුතේ එනකොට අරන් එන්නම්
පෑන් පැන්සල් දෙන්න ලියලා

අටේ කණිසම වදින්නට පෙර
තරඟයට රිය පෙළට ඇඳුණා
හිතුවෙවත් නැති වෙලාවකදී
මාරයෙක් විත් ඇඟේ හැපුණා

මඟ බලන්නට එපා මැණිකේ
මඟදි හුස්මත් උදුරගත්තා
බෙදූ බත රසකර කවාපන්
දරු පැටව් හාමතේ නොතියා

අනේ කොච්චර හීන තිබුණද
පපුව අස්සේ හැඩට එතිලා
පුතේ ඔක්කොම හීන ඉවරයි
කන්ද මුදුනින් හෙළට වැටුණා..


ඇඹිලිපිටිය