ක්‍රියා පදයකි මගේ ලෝකය ආදරය බැන්ද
තිත තැබිය යුතු තැන මකා ඇද කොමාවක් ඇන්ද
ඉස්පිල්ල පාපිල්ල අතරේ හිතින් දුක් වින්ද
ආදරය වරහන් තුළයි එය එළියෙ නෑ මන්ද

නාම පදයක් විවාහය දරුවනුත් ඉන්න
යුගල පද සුනු විසුනු වී විරුද්ධයි ඔන්න
ප්‍රශ්නාර්ථය ඇතැත් නෑ උත්තරය දැන ගන්න
කොමා දෙක ඉහළින් ඇතිය මැදට වී ඉන්න

ආඛ්‍යාතය තාම දන්නැති ජීවිතය ගෙවිලා
පරිච්ඡේදය ගානෙ ලියවී ඉවර විය දැවිලා
හර්ෂාදී ලකුණක් නොමැත ජීවිතය මැරිලා
ලකුණු දහයෙන් බිංදුවයි බැලුවහම හැරිලා

AnA 2025