පහන් පෙළක් දිදුල නඟයි
වැතිර ගිරිතලා පව්වේ
පොසොන් කිණිති සඳ වටකර
පතළ අඹතලා ගව්වේ
සහන් සිතින් පඩි ගණිමින්
නැග - නැග දුරු මිහින්තලේ
“සාදු - සාදු” දෑත් මැදෙයි
මතුර - මතුර නළල්තලේ...

අරුමැසි පෙම් රස මතු වන
ඉසුරුමුණියෙ පැතැලි ගලේ
විඳ - විඳ ඒ කලා මිහිර
සිත් දුර යයි හැඟුම් බලේ
නෙක - නෙක හැඩ ගත් බුදු රූ
තැන - තැන වැඩ හිඳින සුවේ
දුටු - දුටු සැණෙකින් සිත් තුළ
නිවන් පුරය ළං - ළං වේ...


ගම දාගබ පන්සල ගංගා වැව්
කෙත් දිවිය අපේ
හෙළ දිවි පෙවෙතට දුන් අරුමය
සංහිඳියාව පිපේ
එදා මිහිඳු හිමි ගෙන ආ
උත්තම දායාද පිනේ
අදත් පොසොන් සමරමු
සිහිකර උත්තම මිහිඳු දිනේ...

ගල් කටුවයි පන්හිඳයි වරුණ කළ
රස රැස කෙටුණු ගලේ
සඳකඩ පහණක විසිතුරු කුමකට
වනමි ද කැවුණු බලේ
ලී කැටයම් නෙළූ දෑත් පණ ගැන්වෙන
ඇම්බැක්කේ
දුටු - දුටුවන් මවිත කරයි සිතනු බැරි ව
අරුමැක්කේ...



හෙළ බොදු ගුණ පස විහිදුණු
දිවි මං පෙත් තැන - තැන හුදු
ගමින් - ගමට අතින් -අතට
විකසිත වී ගිය මග සුදු
මතු කර නිති සිරිත් - විරිත්
පෙළ පස පෙර ම`ග එ නිරි`දු
එක් සේ සත් කළ මුදු හුදු
දනට කැපයි පුදනු මිහි`දු...

කලා රසය හැම තැනක ම
විලාසිතා ගෙන රජයන
සලාලිත ව ඉදි වෙයි නිරතුරු
ගේ - දොර අහස සිඹින
තලා අගය නෙක පිළි රූ
ව`දිනු කුමට අසන අයට
නෙළා මල් මිටක් දෙමු අපි
වැ`දින ලෙසට නොවැටි පවට!

2025.06.01