සාලය කෙලවර
දූවිල්ලෙන් වැසුනු
අමතක වුනු
මල් බඳුනක්

නැති රෝස මල
යලි එන තුරු
පුල පුලා බලා සිටින
ඒ පරණ මල් බඳුන

හිමිදිරියේ අම්මා ගෙනෙන
කෑම මේසය මත තැබෙන
තනි රෝස මල රැඳුන
ඒ සොදුරු මල් බඳුන

ළමා කලක නැවුම් සිතුවම්
මිදුලේ කල කෙළි සෙල්ලම්
දහසක් පියකරු මතකයන්
ඒ මල් බඳුනේ සනිටුහන්

ඉරිදා කැම මේසය
කරවල බැදුමේ රසය
දරුවන්ගේ කලබලය
නිරතුරු සිනා සාගරය

අම්මා ගිය දා පටන්
සිනා හඬ යලි නෑසුනි
තනි රෝස මල පරවුනි
මල් බඳුන හිස්වුනි

මල් බඳුන අහුලා
ළිං දියන් දොවලා
රෝස මල හොබලා
මේසය මැද තබලා

කවුළුව ඇරිය විට
අදුර පහවිය එළියට
අම්මා නැතිවී අදට
වසර විසක් හරියට