වලගොඩැලි නැති මඟක රතු පලස එලලා
රන්කමින් ලියකමින් තුරඟ රිය සදලා
සුදු තුරඟ අරා එන කුමරෙකුම පතලා
අක්කණ්ඩි නුඹෙ කෙසුත් ගෙදරටම පැහිලා

කටු කොහොල් පිරි මඟේ මිරිඟු දිය සොයලා
පයින් ගාටද්දි අප දෙපා කටු ඇණිලා
ගම් පියස නොපෙනෙන්න කවුළුපත් වසලා
නුඹ පැතුවෙ කුමරෙකුයි තුරඟ රිය යනෙනා

මල්සරත් මල් දුන්නෙ මල් හීය නොයොදා
මොණරකොල ගොන්නක්ම හීය තුඩ තැබුවා
හදවතද සිදුරුකර සිකිපිල්ම සොයනා
මෙවන් ලොව බිඟු වෙතිද මලට පෙම් බඳිනා