සුදු මල් ලස්සන සාරිය ඇඳලා
මල් ගහලා කොණ්ඩය හැඩ කරලා
කරවට දිලිසෙන මාලය බැඳලා
පොඩි නැන්දා මනමාලි වෙලා

එල්ලෙන පැද්දෙන තෝඩු දමාලා
රන් වන් වළලුය අත් සරසාලා
ඉනවට හවඩිය යන පැද්දීලා
පොඩි නැන්දා මනමාලි වෙලා

ලස්සන මූනේ සායම් ගාලා
තව තව ලස්සන වී හැඩවීලා
සුවඳැති මල් පොකුරක් අත තබලා
පොඩි නැන්දා මනමාලි වෙලා

තාලෙට කොමලෙට අඩිය තබාලා
හෙමිහිට හැඩයට පියවර මැනලා
හරියට නැකතට පෝරුවෙ නැඟලා
පොඩි නැන්දා මනමාලි වෙලා

පුංචි අපිට කවි සින්දු