බලා සිටිනෙමි අහස දෙස හෙට වඩින අවුරුදු කුමරි එනකන්,
වලා කුලු පිරි අහස අඳුරුයි, තවම නෑ ඒ පාද සටහන්,
ගලා එන සුභ පැතුම් මලු බර වැඩිද ඩැහැගෙන එන්ට එතෙරින්?
බොහෝ ජනයා ඉන්නෙ ඔබ පිලිගන්ට එනිසා එන්න සතුටින්!

ගුව්න් යානා දෙකක් මෑතක පිලිසුනා ඒ අදුරු සටහන්,
මකා දාගෙන එන්න කුමරිනි නැවත දුක් ගිනි නිවා දමමින්.
කිතුනි බිහිවුන දෙසත් යුදබිම වීම වලකා ලන්න හැකිනම්
මෙවර එනව්ට ඉසිනු ඔවදන් පැනිය ගිනි අවි තුරන් කරමින්.

විසි හතරෙ ලක් දනයාට ලැබු
රජය හට දෙනු හොදම රුකුලක් ,
සොබා දහමින් ගෙනෙන උවදුරු
වලක ගන්නට අනඟි ඔසුවක්,
මිනිස් වන-අලි ගැටුම් වලකා දෙන්න කුමරිනි සැමට සතුටක්,
සහල් පොල් මාෆියා නවතා
දිවි ගෙවන්නට අපට වරමක්

මෙතෙක් මගෙ දිවියට ලබාදුන්
අසිරිමත් තුටු පඬුරු අගයන්,
සෙනෙහෙබර නෑ මිතුරු දරුවා
මුනුබුරන් ගෝලයන් සැමගෙන්,
එහෙත් ඔබගෙන් විසැසි ඔසුවක් අයැද සිටිනෙමි ඉතා බැතියෙන්,
ගිලන් ඇඳ රත් කරන සැමියට
දෙන්න පහසුව ඉන්න වරමක්!