සළපනා බැමි බින්ද
විලඟු අවලංගු වූ
අකීකරු ජල තරඟ
ගලනවා..

ගඟක් දැක වැව කියා
පුවරුවක් ගසාගෙන
මිනිස් කැල මායාවෙ
ගිලෙනවා..

කැඩපතින් සඟවගෙන
යථාවේ මුහුණු පෙළ
මෙයයි ජීවිතෙ කියා
සොයනවා..

අතින් අල්ලා මගක
ගිය දිනය අමතකව
සිටි අයෙක් ආලෙ ගැන
කියනවා..

දෙව් මැදුරු නීතිපත්
බිඳලමින් ඩාවින්චි
ලෝකයට සිතුවමක්
පුදනවා..

මොනලිසා හඬන බව
දැන දැනත් ලෝකයම
ඇගෙ සිනා සපථ කර
තබනවා..

මග ලකුණු නොතිය ගිය
අනීතික සෙනේහය
අභිරහස් රිද්මයක
ගැයෙනවා..

සමාජය පසෙකලා
ජීවිතය සොයාගත්
බොහෝ දන සතුටු මල්
සිඹිනවා..

ලොවට නොහැඟෙන දේම
අපට හැඟෙනා දිනෙක
හිතවතුනි! අපි සැවොම
නිවෙනවා..