නව වසර එළඹිලා
බත බුලතින් සපිරිලා
ගම් දොර ඇලවේලි
සතුට ඉතිරෙයි
ගම් දනව්වල
දෝරෙ ගලමින්
වැව් අමුණු සපිරෙන්නයි
අස්වනු නිවසේ රැස්කරන්නයි
අත මිට සරුසාර වෙන්නයි
සිරි දෙව් දූ ගෙතුල ගැවසේන්නයි
පේදුරු තුඩුවේ සිට
දෙවුන්දර තුඩුවට
පියාඹන
මිහිරි හඬ ඇති පක්ෂියා
රැගෙන යන පණිවිඩය
තවත් ඇති ලේ හැලුවා
බිඳ වැටුණු දේශය
යළිත් බිඳ නොවැටෙන්න
සිව් දෙසින් සේනාවක්
ගොඩනඟමු දේශය
පතමූ නව වසර
ආවඩා ආයුබෝ වේවා!