ඩේලිය රෝස කානේෂන් පිච්ච සමන්
පිපි පිපි දිලී සැරසෙයි අතු අගින් නමන්
පොඩි පැල්පතුත් කරමින් දෙව්ලොවේ විමන්
එනවා විසිපහේ අරුනලු සුවඳ හමන්

සියවස් ගණන් දුක් විඳි ජනතා පවුර
කැළඹී අවුත් පන්නා සොරුරැල චවුර
රටකම බර දරාගෙන සතුටෙන් දෙවුර
සැනහෙයි සියලු දන හිඳ ලත් නදි ඉවුර

සියවස් ගණන් විඳි දුක් හැර හිනැහෙල්ලා
සැමදා අපේ දවසයි සිත් සනහල්ලා
දින දින දියුණුවෙන ලක් රැජිණිය අල්ලා
අපි දිනු දැය කියා සතුටින් සිඹගල්ලා


29 දෙසැම්බර් 2024