කැලැන්ඩරයේ වර්ෂයක
අවසාන දිනය
හිනැහෙයි මා දෙස
බලාගෙන ඔච්චමට
ඔව්, මම දන්නවා
උඹට පුළුවන් එච්චරයි
සරදමට විරිත්තන්න ...
එතකොට මට
කොච්චරක් පුළුවන් වුණා ද?
උඹට වැඩියෙන්
දහස් ගුණයකටත් එහායින්
දරාගන්න
හිනැහෙන්න
අඬන්න
ඉවසන්න...

තත්පර - විනාඩි
දින - සති - මාස ගණන්

උඹට වගේ නෙවෙයි ඕං
පොඩිවෙලා හැළුණේ නෑ
කොහේදිවත් මං
ඔච්චං කරපු උඹව
අමතක කරලා
යනවා මම ඉස්සරහටම
අලුත් වෙලා
කලින් හිටියටත් වැඩිය...



ආලංකුඩාව
2024/12/28