ඩබල් වෙන්නට හිතක් නැතියෙන්
දරුවෙකුට හොඳ මවක් වන්නට
දුටු හීනය අත්විඳින්නට
නොවදා මුත් හදා වඩා
කාගේ හෝ දරුවෙක්,
වෙනවා සමහරක් ගැහැණු
සින්ගල් Mom ලා..

සින්ගල් නෙවෙයි ඩබල් වුනාමනෙ හොඳ
බලාපොරොත්තු පොදි බැඳගෙන
ඩබල් ත්‍රිබල් කරගෙන වුනත්
කලක් යද්දී
මෝඩකමට දෙස් තියා
ඩබල් ගේම් කාරයෙක්
ඕනෙ නෑ කියා
නීතියෙන් ම සින්ගල් වී
දරු පැටවුන් වෙනුවෙන්
එඩිතරව ජීවිතයට
තනිවම මූණ දෙයි
සින්ගල් Mom ලා..

ඩබල් වී හරි ලකේට
ලෝකයට පේන්නට
වැඩත් ඩබල් වූ කල
තනියම සුමේ කරගෙන
කුටුම්භය රකිමින්
දහසකුත් කම්කටොලු
සුසුමකට එක්කරන්
ඇතුන් ලවා වත්
අද්දන්න බැරි නුවණ
හැඳි මිටේ තියා....
ඩබල් ත්‍රිබල් වුණු
කුස් තුර පුරවන්න
නිහඬව ම සටනකය....

ඩබල් වුනත්
ඩබල් ද සින්ගල් ද
හරියටම නොකිව හැකි
පෙනුමට ඩබල් හදවතින් සින්ගල්
ආත්මයම සල්ලන්
සින්ගල් MOM ලා!!

Photo credit; Micah Hallahan