පැවැත්මට ලෝකය
ඇත බොහෝ අවැසි දේ
දැක ගන්ට දැන ගන්ට

විවිධ වූ පිටත ලොව
සොයන්නට සොයන්නට
දැකගන්න නිමාවක්
දැකගන්න කෙළවරක්
නොහැකි වේ නොහැකි වේ

එකතු වන දැනුම් ගොඩ
බරක් වේ නැවක් බඳු
තව තවත් එකතු වන
දැනුම වැඩි කරයි බර
ඇති කරයි ප්‍රමාදය
දකින්නට නිමාවක්

තමා සතු ලෝකය
නිමාවක් දැකගන්ට
කෙළවරක් දැකගන්ට
වැටහේ හැකි බවක්

නැවක් වූ දැනුම් ගොඩ
විය යුතුයි සැහැල්ලුව
සරල පාරුවක් ලෙස

වෙනස් වන බව නිතර
තමා සතු නොවන බව
අවසාන දුකක් බව
විය යුතු සරල බව
වැටහෙන්න වැටහෙන්න
සරල පාරුවක් මගින්
පැදයන්න හැකි බව
නිමාවක් දකින්නට