බිඳුණු සිත්මත කඳුළු ලතැවුල් නිවී සිනහව පිරී යන්නයි
විඳින දුක් කරදරින් මිරිකුණු සුසුම් වැල් දුර ඇදී යන්නයි
පැතුම් බොඳවු ගෙවුන වසරේ තිබුණ බාධා දුරුව යන්නයි
සියලු සිත්මත නැවුම් පැතුමින් පිබිදෙනා වර්ශයක් වෙන්නයි

යනෙන මඟ තොට දරුණු අනතුරු කිසිම කෙනෙකුට නොවේවා
නපුරු සිතුවිලි වලින් මිදිලා කාරුණික හදවත් දිලේවා
පිපෙන මල්වල සුවඳ පැතිරී සියලු දුක් ගිනි නිවේවා
සෙනෙහසින් පිරි හදවතින් උතුරන සිසිල හැමටම දැනේවා

කුසට අහරක් නැතිව හඬනා හැමගේ කුසගිනි නිවේවා
සතුන්ටත් කරුණාව දක්වන සිතක් හැමටම ලැබේවා
රටට යහපත් හෙටක් ලැබිලා දියුණුවෙන් දියුණුව ලැබේවා
ඔබට මට මෙන් ලොවට සාමය සතුට අරගෙන හිරු වඩීවා

අනුරාධා ගුණසේකර
හොරණ