මඟිය නූඹ සිරකරුවෙක්
කාල යකුගේ අහරක්
ටිකෙන් ටික
කා දමන බැව්
නැත කිසිම දැනුමක්
හෝ සිතිවිල්ලක්.

දැනෙයි
යන බව ගමනක්
කර තබාගෙන ජීවිතයක්
ඊයේ දවස
අද වගේ දැණුනත්
නොවෙද එය
ගෙවුණු අතීතයක්.

අද දවල් අද හවස අද රෑ
කාල සටහනක්
දැනෙන ව ද
අත ළඟ වුණත්
එය
ආ හැකි නා හැකි
අනාගතයක්

වර්තමානය
එක මොහොතක්
යන ගමන චීස් පෙත්තක්
අතර හිරවුණ
අතීත අනාගත
පාන් ⁣පෙත්තක්
ටිකෙන් ටික කා දමන්නේ
කාල නම් යක්ෂයෙක්

ඔබ මා වුණත්
කවර ලොක්කෙක්
සහතිකයි
ඌ කරනවා ඉවරයක්


11-12-24

කාලය යක්ෂයකුට සම
කරන්නේ එය මිනිසා,
ඔහු ගොඩ නඟන දේ
සතා සීපාවා ගහ කොළ
ඇසට පෙනෙන නොපෙනෙන සියල්ල
කා දමන හෙයිනි.
එසේ කා දමා ඉතිරි කළ
ඇට කටු සමාන දේ අප
නටබුන් ,ෆොසිල සහ
තවත් විද්‍යාත්මක නම්
වලින් හඳුනා ගනිමු