ස්ටොක්හෝම් ලලනිය
උදාරම් ඔතරම්
කුමක්නම් වෙද
උස් රාජකීය පියැසි
මනනන්දනීය උයන්
නයනානන්ද දියැදුරු
අතර සඟවාගෙන ?

කුමකටනම්
පුරන්නේද නිති
කුහුලින් මසිත ?

මන්ද
පෙන්වා නුඹ
සොඳුරු වත මදක්
කුප්පන්නේ මෙලෙස ?

ස්ටොක්හෝම් ...
සෝබාව දේ නුඹ විසිතුරු
ඉවසනු බැරි තවත්
කිපෙයි ඉඳුරන්
හසුවෙයි මා නුඹ දැහැනෙහි


ගිලෙමි සයුරක
නුඹ වෙසඟ මැදුරෙහි
මත් මිනිසුන් සහසක් අතර
සොයා නුඹ රස

ඉදින්
කියව නොපැකිල
සඟවා සිටින්නේද නුඹ කෙලෙස
කවර නොකිලිටිබවක්
මේ ඉඳුරන් කුපිත
මිනිස් සයුරක ...

නැති
පළක් නැති
සිතා ඒ ගැන
ගිලෙමි ගිලෙමි
හෙටක් ගැන නොසිතා
නව්‍ය රස ගඟුලෙහි
අද
එපාවන තුරු හෙට
ස්ටොක්හෝම් ලලනිය නුඹ ....