අසා ඇත මා වටින කරුණක් තිබුණු අප රට ගැන වටේ
එනම් පෙර මෙය නම් කළාලුය ලෙසින් පෙර දිග මුතු ඇටේ
එහෙත් එතරම් වටින අයුරක් කිසි දිනක මා නැත දුටේ
වැටී තිබුණා වටිනකම් සැම දේසපාලුන්ගේ කටේ

දවස් තුන්සිය හැටපහම ගස් වැල්ද පල දරනා රටේ
වැසි වළාහක දෙවිඳු නිසි කල වැසිත් ලබලා දෙන විටේ
පලක් නොගෙනම එයින් නිසි ලෙස රටින් එනතුරු බත් ඇටේ
මුව අයාගෙන සිටින නිකමුන් බිහි කළා උන් මේ රටේ

ගෙවී ගිය ඒ දශක හත තුළ
රට උලා කෑ ප්‍රේතයන්
ගැන තවත් සිහිකර වැඩක් නැත ඇත උන්ට යම ලෝකයන්
අලුත් එළියක් වැටී ඇත අද පැමිණි ලෙස සුරදූතයන්
ඉතින් හෙට දින සියලු වැසියන් වේවි තිර ලෙස නාතයන්

කිසිවෙකුට අත නොපා
සිටගෙන සිටින්නට සාඩම්බරෙන්
දමා පන්නා සොරුන් ජඩයන් එතෙරටම මහ සාගරෙන්
උදාවන දහහතරවන දින බලේ පෙන්නා කතිරයෙන්
සිටින රජයට තවත් සවි දෙමු මෝඩකම් හැරදා සිතෙන්.