බැටලු රෑන් එලියට විත් සීතල බව කියනවා
මල් පිපිලා ඈත අහසෙ සුවද ටිකක් දැනෙනවා
කොල,දලු කොල පාට නැතත් සොදුරු පාට පෙනෙනවා
ගිම්හානය නැවුම් වැස්ස සිරිපොද පළ ඉහෙනවා!

මල් වෙනුවට වට්ටක්කා වැල් වල ගෙඩි පිරෙනවා
පාට පිරුණු කොළ සුන්දර කතා මවා හැලෙනවා
හිම මිදෙන්න කලින් අදුර එන බව හිරු කියනවා
හදවත් උණුහුම හොයන්න කෝපි සුවද ගෙනෙනවා

පමාවුනත් ටිකකට හරි හිරු හෝරා තියනවා
කූරු වෙන්න කලින් ශාක සුන්දර බව දැනෙනවා
දුම් කවුලුව නිදා උන්න චිමිනි වලින් ගලනවා
සීතට පෙර සැබෑව ගැන
හිත වපුරා හැදෙනවා!

Photo Credit; Tanner Yould