පද නොලියා තනුව ලියා
නන් රස ගී ගයද්ද
කැටයම් කර සොඳුරු කැදලි
හැඩ වැඩ කර මවත්ද
වෙනත් තැනක බිජුවට ඉස
උන් ගැන නොම බලත්ද
යන එන මග ඇහින්ද
මේක සසරෙ පුරුද්ද

උදේ රැයින් අවදි වෙලා
උඩයි බිමයි ඇවිද්ද
හැන්දෑ කළුවරට කලින්
නිවසට එන පුරුද්ද
අඳුර එද්දි රැඳුන තැනක
රැයක් පහන් කරද්ද
සසර පුරුදු හරිත්ද
මේව උන්ගෙ සිරිත්ද

කොතැන ගියත් එල්ලීගෙන
බිම බලාන හිඳිත්ද
සිය මැසිවිලි දුකට කියා
පැලෙන් පැලට ඇදෙත්ද
නේක විපත් කලියෙන් දැන
අමිහිරි ගී ගයත්ද
සනුහරේක ගතිය හුරුව
මේවා අත් හරිත්ද

Photo credit; Dulcey Lima