එකිනෙකද පරයමින
නැගෙන සිතිවිලි රෑන
කරුණ කිමදැයි හැඳින
ගන්න වෙහෙසෙමි නිතින

දුකක අඳුරු සේම
මවයි විටෙක දේම
සොඳුරු සිහින පෑම
හදක සතුට වීම

එකමගක සිත දකින
නිතිදිනම සුව පිරුණ
මන තුටුව දිවිගෙවන
සිත් ඇතිද ලොව මෙදින

සවි ඇතිව තැබුණ පය
බැඳුන ජය නියතමය
සතුට පිරි මුහුනුමය
දිනුමඟක සළකුණුය

සුබපැතුම් ගලාඑන
පිරුණු මුව හිනාදෙන
සුව මනස පිරීයන
සවියවිය නිතිම දින

කලින්කල මුහුණුවර
වෙනස්වී යන විසිර
මිනිස් සිත්වේ කවර
පෙරළියක ඉමි නුදුර

Photo credit:Denys Nevozhai