සිරවී තිබූ පැතුමක් කල් යල් ගෙවුන

ඉටුවී තිබේ සතුටකි හදවත නැගෙන

බිලිවී වලව් සුලිසුළඟට මෙන් හැමුන

විසිවී ගියේ කොයි දෙසකද නොම පෙනෙන




අපිනම් කවදටත් අර පක්ෂෙට කියන

ගොන්කම මොලේ පෑදීවිත් අත හැරින

තිබියෙන් මතක විඳි දුක් කරදර සොඳින

පිළිතුරු දුන්නා කතිරෙන් අමතක නොවන



දැක දැක දියුණ පිටරටවල දිවි ගෙවෙන

අමනයො සිටිති හොර නඩයට කත් අදින

පුරුදු එවුන් හැමදා පස්සම ලොවන

මලපහ මිසක අන් රස නොගනී හැඳින



බියවූ එව්වො පිල් හැර ගැලවුම සොයන

වැහිදා නොදිටි එතරම් ගෙම්බෝ පනින

දුටුවිට ප්‍රථිපලේ උන් සිටි තැන් වෙතින

නැගුනේ දුගඳ සරුවට රෙද්දේ රෙවුන



හොර තක්කඩින් දූෂිතයින් බිය වෙමින

අතහැර පැනපි සැප වාහනයන් පදින

උපදෙස් දුන්න උන්ගේ හැටි රට හදන

එලිවිය පෝෂ් හුඹහෙන් වේයෝ ලගින



හිඳිමුයි වසර හතළිස් අට තෙක් මෙතින

කියු උන් දෙසතියෙන් විමසති කෝ දියුණ

මුහුණු පොතේ බිත්තර ණය ගැන හඬන

වැලපුම් නොවිය කජු ගැන ගුවනින් ගමන



කුඩු මුදලැලිලා හොරු කවටයො ගොන් අමන

එලවා දමා තුමු රැකි මව් බිම රකින

උගතුන් තෝරගෙන මැති සබයට යවන

යුතුකම ඔබෙයි දෙනු ඡන්දය ගෙන නුවන