අහසෙ ගොඩබිමක හෝ
මුහුද මැද විඳින
ජීවිතය එයයි
කාලය සමග ගෙවෙන
පාලුවෙන් තනිකමෙන්
දුර ඈත බලන
හිතට තනි තරුවකුත්
ඇති ගිමන නිවන..

පාවෙනා වලාවකට
දුක කියලා
සුළඟටත් කොඳුරමින්
සැනසුමක් යැදලා
සිරිපොදක හංගලා
කඳුලු දිය කරලා
සිනාසී ඉන්නවා
සෙනෙහසම පුදලා..

තලන්නට තලන්නට
සුවඳ විහිදුවන
සඳුන් දණ්ඩක් වගේ
ඉන්නටයි ඕන
මැරෙන්නට මොහොතකට පෙර
ආදරෙන් පිරුන
හිතක් හිස් කරනවද
පැනයකිය හිතන..

ලබැඳි සිතකට නැගෙන
ප්‍රේමයක තරම
දරාගන්නට හැකිද
ජීවයක අරුම
පලා පැහැ නිම්නයක
සුවද දී පිපෙන
රතුම මල් පොකුරු ලඟ
සැබෑ වෙයි සිහින!!