දිවිය දිනන්නට ඇවසිම මුදල්
කියා උපතෙම සිට..,
අවිය එයට ඉගෙනුමමයි ජප කෙරුවේ කර කනකට...
සවිය ලැබුවෙ පාසැල් , සරසවිද
තුලින් දිග හරහට...
නොවිය යුතුම දේ සිදුවී ඇත
අයියෝ වැටහෙන විට...

හඹා යමින් මුදල් ⁣ලැබෙන මං සොයමින් දිවිය පුරා...
බඹා කෙටූ කෙනා ලැබුවෙ වයසට ගොස් රූපෙ දිරා...
ලබා ඇතත් ඇවසි තරම්
මුදල් හදල් බැංකු අරා...
බබා තාම චූටි එකා,
ලෙඩ එන්නේ ගන්න මරා...

සුනඛයාගෙ පස්ස පැත්තෙ බැඳපු මීයෙ, වැඩක් ඇද්ද...
දනකට පිනකටත් නොදී ගොඩ ගැසුවත් පලක් වෙද්ද...
එන විට වගෙ යන්න වෙන්නෙ කිසිත් නැතිව , එහෙම නැද්ද...
මන යොදවා දිවිය දිනනු මනුසත්බව ආයෙ එද්ද...