වේලක් දෙකක් අතහැරෙනා ඩිග්‍රියට
සඳ පායන්නෙ නෑ ආදර මාවතට
රීමික්ස් කරන් සිතුවිලි සඳ ඇති කලට
දහයේ යතුර කරකමි ගී පද ලෙසට

සටන් පාඨ සිර ගෙයි කොනක
යකඩ කූරු හීරෙන කිරි සද්දයක
සාදුකාර නාදෙන් ගම කඨිනයක
සොයනෙමි සිනාවක් තණමල්විලක

සීසන් මාක් කර යනෙනා ලංගමය
කාඩ් එකක් හූරන් ගෙන ජංගමය
වැඩ පාටියත් යන්නේ දුන්හිඳය
එෆ් එම් එකෙන් හැඩ කර ගමි පන්හිඳය

පෙරහැර දකිමි මාසෙක සූසැටක කලා
පෝදා සඳ ලෙසින් මෙත් සිත් පහන් කළා
කරවල නැතුව බත් පතකට වැටුණ පලා
ලොතරැයි පතක් ඇත මුළු ජීවිතය වෙලා

තයිරොක්සින් අඩු ද නැත්නම් එය වැඩි වීද
පයිතගරස් වෙනෙකෙක් නම් මම කවුද
සයිරන් නලා පිඹගෙන යනු ඇසුණාද
සයිකො ද අහන්නේ මං ගැන දන් නැද්ද

Photo credit ; Tim Bogdanov